Kryeministri britanik Boris Johnson ka mirëpritur 109 koservatorët e rinj në Parlament ditën e hënë, duke i premtuar se do të përmbushë premtimet e tij elektorale në lidhje me implementimin e Brexit dhe rritjes së fondeve për shërbimin shëndetësor shtetëror.
Pasi siguroi mazhorancën në zgjedhjet e javës së kaluar, Johnson do kërkojë mbështetjen e parlamentit për përshpejtimin e procedurave në lidhje me marrëveshjen e largimit nga Bashkimi Evropian si dhe do të rrisë buxhetin për sektorin e shëndetit, arsimit dhe rendin.
Kryeministri i cili fitoi shumë mbështetës tradicionalë nga opozita Laburiste në Anglinë veriore dhe qendrore, ka deklaruar se do të drejtojë një “qeveri të popullit” dhe se do të rrisë besimin e publikut në implementimin e Brexit.
Qeveria do të sjellë Marrëveshjen e Largimit në Parlament ditën e premte, por megjithatë mbetet ende e paqartë nëse votimi do të mbahet pasi pritet një dakordërsi nga kryetari i ri i dhomës së ulët.
Sidoqoftë, me një mazhorancë kaq të lartë, mendohet se Johnson do ta kalojë votimin me sukses brenda afatit të parashikuar.
Pas më shumë se 3 vitesh debat mbi Brexit, Johnson po përpiqet që me shpejtësi të bashkojë një shtet dhe akoma mbeten pikëpyetje nëse Britania duhet ta lërë Bashkimin Evropian.
