Elisabeta Imeraj u emërua prokurore në vitin 2005, 17 vjet më parë.
Ajo ka hetuar një seri dosjesh, grupesh e personazhesh kriminalë.
Një ndër to ishte edhe arrestimi në vitin 2014 i kolumbianit Cesar Triana. Për të Imeraj kërkoi dënimin me 15 vite burg në lidhje me 250 kilogramë kokainë të kapur në atë kohë në Malin e Zi.
Po në këtë vit Imeraj hetoi dosjen e “xhihadistëve”, një grup shqiptarësh të cilët dërgonin në Siri besimtarë myslimanë.
Për 9 persona prokurorja kërkoi 152 burg, një proces i cili kaloi më mjaft akuza mes saj dhe të arrestuarve.
Në 2017 ajo ishte pjesë e grupit të prokurorëve të Krimeve të Rënda që hetuan ish-ministrin e Brendshëm Saimir Tahiri.
Në 2018 Imeraj u komandua drejtuese e Prokurorisë së Tiranës.
Në këtë institucion ajo hetoi çështje mjaft të rëndësishme.
Dosja e cila ndezi debat të madh mes saj dhe politikës ishte ajo e lobimit në Amerikë me para ruse të Partisë Demokratike.
Opozita e akuzoi se ajo po përdorej politikisht në këtë rast.
Imeraj ka hetuar edhe skandalin e ndërtimit të Unazës së Re ku firma DH Albania kishte falsifikuar dokumentet që e shpallen fituese të tenderit.
Një vit më parë ajo kaloi shkallën e parë të vetingut.
Vendimi u kundërshtua nga ambasadorja Yuri Kim e cila reagoi ashpër në lidhje më vendimin e dhënë nga KPK.
Vëzhguesit ndërkombëtarë pretendonin se prokurorja kishte probleme me deklarimin e pasurisë, pastërtinë e figurës dhe integritetin profesional. Imeraj dhe përfaqësuesi i ONM Theo Jacobs u përballën në një seancë të gjatë në KPK. Ai e akuzoi se kishte përgjuar e shantazhuar anëtarët e komisionit, por prokurorja i mohoi këto akuza.
Beteja e fundit do të zhvillohej në Apelin e vetingut me ndërkombëtarët që e donin jashtë sistemit dhe Imeraj e cila kërkonte qëndrimin me çdo kusht.
Në fund KPA e shkarkoi me një vendim unanim, ashtu siç ishte dhe ai i shkallës së parë të vetingut për ta konfirmuar.
LEXONI GJITHASHTU:
