Lajçak pret komandantin e ardhshëm të KFOR: Folëm mbi situatën në Kosovë e dialogun

Përfaqësuesi special i Bashkimit Evropian (BE) për dialogun ndërmjet Kosovës dhe Serbisë, Miroslav Lajçak ka pritur në zyrën e tij komandatin e ardhshëm të KFOR-it.

Lajmin e bëri me dije përmes një postimi në faqen e tij zyrtare në Twitter bashkëngjitur me një foto pranë gjeneral major Ulutaş.

“Kemi shkëmbyer mendime për situatën aktuale në Kosovë dhe për dialogun. Mezi presim vazhdimin e bashkëpunimit të shkëlqyer të gjatë me KFOR-in,” – shkroi Lajçak.

Pleasure to welcome the incoming Commander of @NATO_KFOR Major General Ulutaş in my office today. We exchanged views on the current situation in Kosovo and the Dialogue. Looking forward to continuing the long-standing excellent cooperation with KFOR. pic.twitter.com/P66nFYLXAr

— Miroslav Lajčák (@MiroslavLajcak) September 27, 2023

Rreshteri Afrim Bunjaku, i cili ishte pjesëtar i Policisë së Kosovës nga viti 2001, u vra mëngjesin e 24 shtatorit pas përplasjes me një grup të armatosur në Banjskë të Zveçanit në pjesën veriore të vendit të banuar me shumicë serbe.

Sulmuesit e armatosur, rreth 30 persona, ishin vendosur në manastirin e Banjskës, nga ku shkëmbyen të shtëna me organet e rendit.

Autoritetet konfiskuan edhe një sasi të madhe armatimi. Autoritetet e Kosovës bënë përgjegjës Serbinë për sulmin, ndërsa Beogradi fajësoi zyrtar serbët e Kosovës.

LEXONI GJITHASHTU:

• Gazeta gjermane “Die welt”: Lajçak duhej shkarkuar. Biden të ndërhyjë!
• Lajçak takon përfaqësues nga Franca, Gjermania e Italia, në takim edhe Escobari