Paraditen e kësaj të shtune, dhjetëra banorë të krahinës së Lumit të Vlorës janë ngritur në protestë për të katërtën herë radhazi.

Me pankarta në duar me sloganin “Larg duart nga Shushica”, kundërshtojnë projektin e ndërmarrë nga qeveria që prej janarit të vitit të kaluar.

Banorët kanë kundërshtuar dhe pezullimin e projektit të ujësjellësit që do të marrë ujin nga burimi i lumit Shushicë për të furnizuar banorët e bashkisë së Himarës.

Sipas tyre lumi është i vetmi burim që përdoret nga banorët, por dhe një atraksion turistik për bukurinë e zonës. Ata i kanë bërë thirrje kryeministrit që të pezullohet projekti.

Në ketë tubim kanë marrë pjesë banorë të 37 fshatrave ku ky lumë kalon. Protesta ka vazhduar prej më shumë se një ore tek ura e Laskos, në Kuç.

LEXONI GJITHASHTU:

Atraksioni turistik i Byshekut, vizitorë ditore për natyrën, por mungojnë investimet

Programi i 100 fshatrave në Elbasan, në Gjinar dhe Shushicë mungojnë shërbimet më jetike