Ministri i Jashtëm rus Sergej Lavrov thotë se ka diskutuar në Moskë zgjidhjen e luftës së vendit të tij kundër Ukrainës me Feridun Sinirlioglu, sekretarin e përgjithshëm të Organizatës për Siguri dhe Bashkëpunim në Evropë (OSBE).

“Ne folëm se si mund të zgjidhej konflikti në Ukrainë. Qëndrimi ynë është i qartë. Presidenti rus Vladimir Putin ka theksuar në mënyrë të përsëritur gatishmërinë e tij për negociata”, tha Lavrov gjatë një konference për media pas bisedimeve me Sinirlioglu, sipas agjencisë ruse të lajmeve TASS.

Sipas agjencisë së lajmeve Anadolu, Lavrov vuri në pikëpyetje qëllimin e nismave që synojnë organizimin e një misioni paqeruajtës në Ukrainë pas një marrëveshjeje paqeje me Rusinë.

“Çfarë do të mbrojnë paqeruajtësit, si të thuash? Çfarë mbetet nga regjimi neo-nazist i Kievit, i cili ka miratuar ligje që çrrënjosin kulturën, gjuhën dhe median ruse, dhe kanë ndaluar Kishën Ortodokse kanonike të Ukrainës?” pyeti ai.

Lavrov theksoi se qëllimi kryesor i Moskës është t’i japë fund persekutimit të gjithçkaje ruse në Ukrainë. “Përndryshe, duket si një përpjekje për të shpëtuar atë që ka mbetur nga ky regjimi nga zemërimi i popullit duke vendosur paqeruajtës”, tha ai.

LEXONI GJITHASHTU:

• “Tradhtar”- Vizitoi Ukrainën, Elon Musk përplaset ashpër me senatorin në SHBA
• “Duam gjyq të hapur”, avokati i familjes së Martinit tregon detaje nga seanca e parë