Letonia ka nisur punën për heqjen e monumenteve të epokës sovjetike, që përkujtojnë fitoren e Ushtrisë së Kuqe ndaj Gjermanisë naziste. Ato janë ngritur në vitin 1985, kur Letonia ishte ende pjesë e Bashkimit Sovjetik.
Por, përpara pushtimit rus të Ukrainës, qeveria e vendit baltik ka miratuar një ligj që kërkon që monumente të tilla të hiqen.
“Kjo është një çështje vlerash. Për qytetarët, ky monument simbolizon pushtimin e Letonisë pas Luftës së Dytë Botërore dhe pas pushtimit të Ukrainës nuk mund ta tolerojmë më”, thotë Janis Lange, Bashkia e Rigës.
Që nga pavarësia në vitin 1991, Letonia është bërë anëtare e NATO-s dhe e Bashkimit Evropian, por ajo ka një numër të madh rusësh etnikë që jetojnë në vend.
Në përvjetorin e Ditës së Fitores, në maj, ata u mblodhën përpara monumentit duke vendosur lule dhe mbajtur koncerte. Ndaj, heqja e monumentit ka dëshpëruar shumë njerëz.
“Mendoj se Letonia është një tokë ku letonezët dhe rusët bashkëjetojnë. Riga është gjysmë letoneze, gjysmë ruse dhe mendoj se njëra pjesë e shtetit duhet të respektojë të drejtat e pjesës tjetër”, shprehet Dmitry Prokopenko, mbështetës i monumenteve sovjetike.
Javën e kaluar, Estonia, një tjetër vend baltik, hoqi monumente të ngjashme.
LEXONI GJITHASHTU: