Në fillim të muajit qershor Kombëtarja shqiptare e futbollit do të zhvillojë dy përballjet e para për Ligën e Kombeve më data 6 dhe 10 qershor. 3 ditë më pas, Shqipëria do të presë në ‘Air Albania’, Estoninë, në një ndeshje miqësore.
Trajneri i Shqipërisë, Edoardo Reja ka publikuar listën e futbollistëve që janë ftuar për këto 3 sfida. Nuk ka ndryshime në krahasim me listën e Marsit, përveç grumbullimit të lojtarëve që kanë qenë të dëmtuar, si Nedim Bajrami dhe Kastriot Dermaku.
Për shkak të kalendarit të ngjeshur, trajneri Italian ka vendosur 9 futbollistë në listën B, të cilët janë të gatshëm për 3 sfidat.
Në këtë listë janë Thomas Strakosha, Jon Mersinaj, Arlind Ajeti, Adrian Bajrami, Albi Doka, Kevin Haveri, Enis Çokaj, Lindon Selahi dhe Ernest Muçi.
Një pjesë e lojtarëve janë bashkuar skuadrës, ndërsa pritet që gjatë kësaj të premteje të vijnë edhe futbollistët e tjerë.
LEXONI GJITHASHTU: