Aktorja e njohur Lily Collins, ylli i serialit të suksesshëm “Emily in Paris”, ka mirëpritur fëmijën e saj të parë me anë të një surrogate.
Collins, 35 vjeç, ndau lajmin emocionues në Instagram, së bashku me bashkëshortin e saj, regjisorin Charlie McDowell.
“Mirë se erdhe në qendrën e botës sonë, Tove Jane McDowell”, shkroi çifti, duke shprehur mirënjohjen e tyre për surrogate-n dhe të gjithë ata që i mbështetën në këtë udhëtim.
Postimi përfshinte gjithashtu një foto të vogëlushes së tyre dhe një dedikim të ndjerë për të.
Lajmi vjen vetëm një ditë pasi Collins publikoi një homazh për të atin, legjendën e muzikës Phil Collins, në ditëlindjen e tij. Bashkëshorti i saj, Charlie McDowell, është djali i aktorëve të njohur Malcolm McDowell dhe Mary Steenburgen.
Collins, e lindur në Guildford, Surrey, por e rritur në Los Angeles, filloi aktrimin që në fëmijëri. Ajo është më e njohur për rolin e saj si Emily Cooper në serialin komedi-romantik të Netflix, “Emily in Paris”.
LEXONI GJITHASHTU:
- Ndahet nga jeta në moshën 73-vjeçare aktorja e Romeo and Juliet, Olivia Hussey
- Festivali i monodramës në Korçë, aktorja ukrainase luan rolin kryesor te “burrnesha”