Ditën e sotme trajneri i ekipit tonë Kombëtar publikoi listën e plotë të lojtarëve që do të jenë pjesë e skuadrës për Euro2024.

Përmes një deklarate për mediat pas publikimit të listës, Sylvinho tha se zgjedhja e lojëtarëve është bazuar në një proces të gjatë studimi.

Sylvinho tha po ashtu se Kombëtarja kuqezi do të shkojë me optimizëm në Euro2024, me pretendimin për të arritur sukses.

“Zgjedhjet e lojëtarëve janë bazuar në proces të gjatë studimi. Kemi bërë zgjedhjet për të përballuar me sukses një fazë finaleje europiani. Puna në Kombëtare është ndryshe nga klubet. Ne në miqësore i dhamë mundësi disa lojtarëve. Dera e Kombëtares është e hapur.

Ne provuam lojtarët që donim, por nuk kemi kohë për eksperimente të tjera. Finalet e Europianit kanë specifikë. Jam i bindur se grupi është 100 % gati. Zgjedhja ime është e vështirë, faleminderit të gjithë. Ne do shkojmë në Europian me optimizëm”, tha mes të tjerash Sylvinho.

LEXONI GJITHASHTU:

• Miqësorja me Kilin, publikohen formacionet, Sylvinho lë Brojën në stol
• Sylvinho me grup të plotë në Tiranë, braziliani punon për zgjedhjet drejt Euro2024