Përmes një letre Lëvizja Vetëvendosje ka refuzuar ofertën e fundit të Lidhjes Demokratike, duke i bërë me dije se zgjedhja e Glauk Konjofcës në postin e krye-parlamentarit është e pakthyeshme.

Megjithatë, kryetari i Lidhjes Demokratike, Isa Mustafa nuk e ka cilësuar këtë letër si përgjigje zyrtare, duke thënë se ai mban kontakt direkt me homologun e tij nga Vetëvendosje, Albin Kurti.

Mustafa ka përsëritur se partia e tij është e interesuar për marrëveshje me Vetëvendosjen. Nga ana tjetër Presidenti i Kosovës z.Hashmi Thaçi, ka ftuar palët që të përafrojnë  qëndrimet në mënyrë që mos të humbasin kohë, por të formojnë sa më parë qeverinë e re.