Një diamant ngjyrë rozë prej 170 karatësh i zbuluar në Angola, mund të jetë më i madhi i gjetur në 300 vjet.

I quajtur “Lulo Rose”, diamanti u gjet në minierën e diamanteve aluviale Lulo në rajonin Lunda Norte të Angolës në Afrikë, shkruan CNN.

“Ky rekord dhe diamant rozë spektakolar i gjetur nga Lulo vazhdon të shfaqë Angolën si një faktor të rëndësishëm në skenën botërore,” tha Diamantino Azevedo, ministri i Burimeve Minerale të Angolës.

Diamanti pritet të dalë në ankand nga kompania shtetërore në Angolë, Sodiam, e ngarkuar për kontrollin, mbikëqyrjen e blerjes, shitjes dhe eksport/importit të diamanteve.

Minierat e Angolës janë ndër dhjetë prodhuesit më të mëdhenj në botë të diamanteve, sipas Institutit Gemologjik të Amerikës, i cili hulumton prodhimin e diamanteve.

LEXONI GJITHASHTU

• Diamanti i bardhë mund të shitet në ankand për 30 milion dollarë
• Del në ankand diamanti 80-karatësh, byzylyku i viteve ’20 e koleksioni i orëve