Ish-zv/ministrja e arsimit Nora Malaj, është shprehur se duhet një reformë të thellë në arsim.
Në një intervistë për Euronews Albania, Malaj theksoi se duhet të ketë dhe arsim të lartë profesional, në mënyrë që studentët të kenë mundësi të ndjekin degën që duan.
“Mendoj se Ministria e Arsimit duhet të bëjë një hartëzim të shkollave, e para duhet të shohim se deri kur ka arritur niveli i shpopullimit, e dyta duhet të shohim deri kur kanë mbetur nivelet e nxënësve të shtrira në zonat rurale, urbane. Duhet të shohim deri ku kemi kapacitete të plota të shkollave të sistemit bazik dhe të sistemit të arsimit parauniversitar. Duhet parë se cilat duhet të jenë politikat që pas mbarimit të gjimnazit, studentët, maturantët të kenë mundësi të garojnë në Universitete dhe në sistemin dual, i cili tashmë ka filluar një trend por duhet të jetë një trend i fuqishëm. Janë disa kushte që i kushtëzojnë dhe i përjashtojnë maturantët për të ndjekur që duan. Arsimi duhen dhënë me të njëjtin standard në çdo cep të Shqipërisë. “- shprehet Malaj.
Malaj ndër të tjera theksoi se jemi në një kohë që qeveria duhet ta shikonte si prioritare arsimin e mesëm të detyrueshëm.
“Kategoritë e fëmijëve që kanë mundësi për t’u aftësuar në degë të ndryshme, së pari duhet të marrin atë që quhet arsimin bazë, që mund të jetë arsimi profesional ose arsimi i përgjithshëm”- nënvizoi ajo.
LEXONI GJITHASHTU: