Një turist 71-vjeçar nga Mali i Zi ka humbur jetën në Malësinë e Madhe ku paraprakisht dyshohet për një arrest kardiak.
- Advertisement -
“Rreth orës 17:00, në fshatin Lëpushë të Malësisë së Madhe, një grup turistësh malazezë kanë kërkuar ndihmë mjekësore pasi një shoku i tyre, shtetasi M. N., nuk është ndjerë mirë nga ana shëndetësore.
Menjëherë kanë shkuar shërbimet e Policisë së bashku me ekipin e urgjencës dhe kanë transportuar për në Spital me autoambulancë shtetasin M. N., për ndihmë mjekësore. Shtetasi M. N., 71 vjeç, ka humbur jetën gjatë transportimit në Spital.
Nga veprimet paraprake dyshohet se ky shtetas ka humbur jetën si pasojë e një arresti kardiak.
Grupi hetimor po punon për dokumentimin e plotë ligjor të rastit”, thuhet në njoftimin e policisë.
