Ministri i Brendshëm, Taulant Balla foli në Komisionin e Sigurisë për marrëveshjen për menaxhimin e emigrantëve të paligjshëm, e nënshkruar pak kohë më parë me qeverinë italiane.
Balla tha se asnjë emigrant nuk do të lejohet të dalë nga zona ku do të bëhet akomodimi i tyre, ndërsa çdo shpenzim për këta emigrantë do të mbulohet nga shteti italian.
“Me këtë marrëveshje vendi ynë rikonfirmon edhe një herë rolin si aleat i Italisë dhe në adresimin e sfidave që na vijnë nga emigrimi i paligjshëm. Këshilli i Ministrave merr përsipër të vendosë përkohësisht në shërbim të qeverisë italianë të një sipërfaqeje toke publike për ndërtimin e një kampi për strehimin e emigrantëve të paligjshme. Emigrantët nuk do dalin asnjëherë jashtë zonave gjatë gjithë qëndrimin në Shqipëri, në rast se do lokalizohen do kthehen në zonë duke iu dorëzuar palës italiane që administron kampin. Të gjitha shpenzimet për ngritjen e qëndrave, shpenzimet shëndetësore, shpenzimet për sigurinë do mbulohen 100 për qind nga pala italiane dhe çdo shpenzim tjetër të paparashikuar”, tha Balla.
LEXONI GJITHASHTU:
- PD çon në Kushtetuese marrëveshjen Rama-Meloni për emigrantët
- Këshilli i Ministrave në Itali ratifikon marrëveshjen Rama-Meloni për emigrantët
