Mazhoranca ka rrëzuar dekretin e presidentit Ilir Meta, i cili ktheu për shyqrtim në Kuvend ligjin për administrimin e Parkut Kombëtar të Butrintit.
Diskutimi në Komisionin e Ekonomisë këtë të martë, u shoqërua me debate midis përfaqësueve të mazhorancës dhe opozitës.
Disa ditë më parë, Meta riktheu për rishqyrtim ligjin, pasi sipas tij, marrëveshja cënonte dispozita konkrete të Kushtetutës dhe parimet kushtetuese të shtetit të së drejtës.
Në arsyetimin e Kreut të Shtetit, thuhej se procedura e ndjekur nuk ka garantuar një proces të gjerë e të thelluar të konsultimit me publikun, dhe nuk është siguruar mendimi i ekspertizës së pavarur vendase.
Kuvendi ka miratuar me 75 vota pro, ligjin për administrimin e Parkut të Butrintit nga Fondacioni shqiptaro-amerikan për Zhvillim për 10 vitet e ardhshme.
Grupime të shoqërisë civile e kanë kundërshtuar kalimin e Parkut të Butrintit në menaxhim të Fondacionit shqiptaro-amerikan për Zhvillim.
LEXONI GJITHASHTU
- ‘Projekt ogurzi’, aktivistët kundërshtojnë marrëveshjen për Butrintin
- “Shteti shet xhevahir”, arkeologu për Butrintin: Situata më keq se në Sri Lanka
- Meta kthen për rishqyrtim në Kuvend, marrëveshjen për administrimin e Butrintit
