Në krematoriumin e Ritsonës, familjarë, të afërm, miq dhe kolegë i dhanë lamtumirën e fundit Theodoros Pagalos, ish-zëvendëskryeministrit dhe ministrit të Jashtëm grek Theodoros Pagalos.

Djegia e trupit ka qenë dëshira e vetë Pagalos, siç kanë bërë të ditur familjarët e tij përmes një postimi publik ku kanë falenderuar të gjithë qytetarët për mbështetjen emocionale.

Teodor Pangalos lindi në vitin 1938 në Elefsina, një qytezë e banuar nga popullsi arvanitase. Ai është nipi i ish-Kryetarit të Greqisë më 1925-1926 gjeneralit me të njëjtin emër Teodor Pangallo.

I rritur në një familje të madhe që ka luajtur rol të rëndësishëm në jetën ushtarake-politike në Greqi edhe Teodor Pangallo i riu vazhdoi rrugën për të qenë një nga figurat e njohura të jetës politikës greke.

Pasi mbaroi gjimnazin vazhdoi studimet në Universitetin e Athinës ku u diplomua në drejtësi dhe ekonomi. Për disa vite ka punuar profesor në Universitetin e Parisit të Sorbonit dhe në atë të Athinës.

Për herë të parë u zgjodh deputet i partisë Socialiste PASOK më 1981 në zonën e Atikis. Nga viti 1982-1984 ka qenë zëvendësministër i ministrisë së Tregtisë, nga 1984-1985 ka qenë zëvendësministër i jashtëm, 1985-1989 ministër plotësues i ministrisë së Jashtme, 1989-1993 përfaqësues i Greqisë në Këshillin Europian, 1993-1994 ministër plotësues i ministrisë së Jashtme, 1994 ministër i Transporti dhe i Lidhjeve, 1996-1999 ministër i jashtëm i Greqisë, 2000 ministër i Kulturës dhe zëvendëskryeministër e Greqisë 2009-. Është babai i pesë fëmijëve.

Teodor Pangallos gjithnjë nëpër intervistat që ka dhënë për shtypin grek ka pohuar krenarinë e tij që është arvanitas.