Anija më e famshme në botë është zbuluar si kurrë më parë për publikun.

Skanimi i parë dixhital me përmasa të plota i Titanikut, që shtrihet 3 800 m poshtë në Atlantik, është krijuar duke përdorur hartën e detit.

Skanimi siguron një pamje unike 3D të të gjithë anijes. Shpresa është se kjo do të hedhë dritë të re mbi atë që ndodhi saktësisht me anijen, e cila u mbyt në 1912.

Më shumë se 1500 njerëz vdiqën kur anija goditi një ajsberg në udhëtimin e saj të parë nga Southampton në Nju Jork.

“Ka ende pyetje, pyetje themelore, që duhet të marrin përgjigje në lidhje me anijen”, shprehet një nga ekspertët.

Ai tha se modeli ishte “një nga hapat e parë të rëndësishëm për të çuar historinë e Titanikut drejt kërkimit të bazuar në prova – dhe jo spekulimeve”.

Anija Titanik është eksploruar gjerësisht që nga zbulimi i rrënojave në vitin 1985. Skanimi i ri kap rrënojat në tërësinë e tij, duke zbuluar një pamje të plotë të saj.

Nëndetëset, të kontrolluara nga distanca nga një ekip në bordin e një anijeje të specializuar, kaluan më shumë se 200 orë duke vëzhguar gjatësinë dhe gjerësinë e anijes. Ata morën më shumë se 700.000 imazhe nga çdo kënd, duke krijuar një rindërtim të saktë 3D.

111 vjet pas katastrofës detare, ende shumë të paditura mbeten mbi zhvillimet, prandaj historiani Parks Stephenson beson se rindërtimi i pamjeve do të sjellë të paktën disa përgjigje.

LEXONI GJITHASHTU:

• VIDEO/ Pamje të rralla të papublikuara në rrënojat e Titanikut pas mbytjes
• Këto 15 foto me ngjyra do ndryshojnë mënyrën si e shihni historinë