Sajid Javid ka dhënë dorëheqjen nga posti i ministrit të Financave si pjesë e riformulimit të qeverisë që nga koha kur Mbretëria e Bashkuar u largua nga Bashkimi Europian.
Mediat vendase kanë raportuar se kryeministri Johnson i ka kërkuar Javid që të zëvendësonte gjithë këshilltarët e tij.
[twitter_feed=https://twitter.com/10DowningStreet/status/1227930006313226241]
Rishi Sunak është caktuar si Lordi i Thesarit për të zëvendësuar Javid, deklaroi zyra e kryeministrit. Sunak, në moshën 39-vjeçare, është personi më i ri që ka mbajtur këtë post.
Ai u zgjodh si anëtar i parlamentit në 2015-n.
Gjatë ditës, Johnson ka pushuar nga puna një sërë ministrash.
Julian Smith, Sekretari i Shtetit për Irlandën e Veriut, ishte ndër ministrat e parë që u lirua nga detyra, në një lëvizje surprizë që vjen disa javë pasi ai ndërmjetësoi marrëveshjen që bëri bashkë qeverinë e Irlandës së Veriut pas disa vitesh ngërçi.
[twitter_feed=https://twitter.com/JulianSmithUK/status/1227885175956234241]
“Ka qenë privilegj t’i shërbeja popullit të Irlandës së Veriut,” shkroi ai në Twitter, pasi raportohet se dëshironte të qëndronte ende në detyrë.
Ndërsa ministri i Jashtëm i Irlandës tha se Smith e kishte kryer më së mirë punën e tij “në një periudhë sprove dhe rreziku të vërtetë”.
“Pa udhëheqjen tuaj, nuk mendoj se Irlanda do të kishte qeveri sot”, tha Coveney.
