Eksperti i arsimit Ndriçim Mehmeti, e ka konsideruar hakmarrje të pastër ndaj arsimit cilësor, mbylljen e kolegjit turk “Mehmet Akif”.
Në një intervistë për Euronews Albania, Mehmeti theksoi se nëse qeveria ka hasur në financime të dyshimta në këtë kolegj t’i bëjë publike.
“Lajmi është marrë nga mediat. Rama tha se godina është e shitur. Godina është e shtetit shqiptar nuk kanë se çfarë të shesin ata. Godina ka qenë dikur konvikt dhe iu dha këtij fondacioni me qëllim shfrytëzimi për arsim. Kjo është një hakmarrja e pastër ndaj arsimit elitar në Shqipëri dhe në përgjithësi ndaj sistemit arsimor. Linja që ndiqte stafi arsimor ishte linja e arsimit, nuk ka pasur ndonjë linjë tjetër. E dyta nëse ka pasur financime të dyshimta shteti duhet të na i thonë”- tha ai.
LEXONI GJITHASHTU:
- Përveç kolegjit turk mbyllet dhe kopshti “Zubeyde Hanim”, shqetësohen prindërit
- Mbyllja e kolegjit turk, nxënësit protestojnë të hënën para Ministrisë së Arsimit
- Mbyllja e kolegjit turk, Likaj: Do ndjekim procedurat ligjore në gjykatë
