Një automjet i llojit Benz është përfshirë në një aksident mesditën e të dielës në Vlorë.
Mjeti Benz duke qarkulluar me shpejtësi të lartë përgjatë aksit Transballkanike në afërsi të paraburgimit të Vlorës ka rrëshqitur duke dalë në trafikndarëse.
Mjeti me shpejtësi në kthesë ka tentuar të frenojë por për shkak të lagështisë në rrugë nuk ka mundur të frenojë duke përfunduar në drejtimin e kundërt në trafikndarëse.
Ai ka goditur shtyllën e cila është rrëzuar përtokë dhe fatmirësisht nuk ka rënë mbi një tjetër automjet pasi aksi është tepër i frekuentuar në këtë orar të ditës.
Si pasojë e aksidentit ka dëme të shumta materiale por drejtuesi i mjetit i cili udhëtonte në ato momente vetëm nuk ka pësuar lëndime.
LEXONI GJITHASHTU:
- Shkaktoi aksident nën efektin e alkolit, AMP arreston efektivin në Këlcyrë
- ISHP: Rreth 180 punëtorë aksidentohen çdo vit, cilët janë sektorët më të rrezikuar