Dmitry Medvedev, ish-presidenti rus, aktualisht zëvendëskryetar i Këshillit rus të Sigurisë deklaroi këtë të martë se nëse Perëndimi furnizon Ukrainën me armë bërthamore, atëherë Moska mund ta konsiderojë një transferim të tillë si një sulm ndaj Rusisë, duke ofruar baza për një përgjigje bërthamore.
Neë York Times raportoi javën e kaluar se disa zyrtarë perëndimorë të paidentifikuar kishin sugjeruar që presidenti i SHBA Joe Biden mund t’i jepte Ukrainës armë bërthamore, megjithëse kishte frikë se një hap i tillë do të kishte implikime serioze.
“Politikanët dhe gazetarët amerikanë po diskutojnë seriozisht pasojat e transferimit të armëve bërthamore në Kiev”, tha në Telegram Medvedev.
Medvedev tha se edhe kërcënimi i një transferimi të tillë të armëve bërthamore mund të konsiderohet si përgatitje për një luftë bërthamore kundër Rusisë.
“Transferimi aktual i armëve të tilla mund të barazohet me faktin e kryer të një sulmi ndaj vendit tonë,” sipas doktrinës së përditësuar bërthamore të Rusisë, tha ai.
LEXONI GJITHASHTU:
- Inkursioni i Ukrainës brenda territorit rus, Medvedev bën thirrjen e fortë
- Medvedev kërcënon Perëndimin për sanksionet: Do ua kthejmë jetën në një makth
