Kryeministrja italiane Giorgia Meloni mbërrin sot në Shqipëri për të falënderuar siç thot AP vendin për gatishmërinë për të pritur mijëra azilkërkues dhe për të vizituar vendet ku do te ngrihen dy qendrat e pritjes së emigrantëve, një vizitë që vjen nje dite para zgjedhjeve ne Parlamentit Evropian, ku migrimi është një nga çështjet kryesore të fushatës.
Në nëntor, Meloni dhe kryeministri i Shqipërisë Edi Rama nënshkruan një marrëveshje 5-vjeçare në të cilën Shqipëria ra dakord të strehonte deri në 3,000 emigrantë të shpëtuar nga ujërat ndërkombëtare çdo muaj, ndërsa Italia përpunon kërkesat e tyre për azil. Meqë kërkesat për azil pritet të zgjasin rreth një muaj për t’u përpunuar, numri i azilkërkuesve të dërguar në Shqipëri mund të arrijë deri në 36,000 në një vit.
Meloni ka mbrojtur planin e diskutueshëm si një komponent të domosdoshëm të goditjes së saj ndaj migracionit, duke synuar të pengojë refugjatët e mundshëm që të paguajnë kontrabandistët për të bërë kalimin e rrezikshëm të Mesdheut. Grupet e të drejtave të njeriut dhe ligjvënësit e opozitës kanë paralajmëruar se mbrojtja e refugjatëve mund të rrezikohet.
Meloni do të nisë vizitën e saj në Gjadër, një ish-aeroport ushtarak, 80 kilometra në veri të kryeqytetit, Tiranë, dhe ku ka nisur puna për një nga dy qendrat e emigrantëve.
Qeveria e djathtë e Melonit kishte shpresuar që të vinte në funksion projektin përpara zgjedhjeve të Bashkimit Evropian më 6-9 qershor për të forcuar pretendimin e saj se ishte e ashpër ndaj migracionit të paligjshëm.
Autoritetet në qytetin port shqiptar të Shengjinit thanë se qendra e mbajtjes së emigrantëve atje ishte përfunduar.
Qendra e përpunimit të kërkesave për azil në Gjadër është ende e papërfunduar dhe nuk është bërë e ditur data e dorëzimit.
Qendrat, që do të menaxhohen nga Italia dhe mund të mbajnë maksimum 3000 azilkërkues në çdo kohë.
Italia do të paguajë për ndërtimin e qendrave dhe do të paguajë faturën për shpenzimet në lidhje me sigurinë dhe kujdesin mjekësor, me një kosto të vlerësuar nga 650 deri në 750 milionë euro gjatë pesë viteve të para.
Në një intervistë të transmetuar në televizionin italian, Rama mbrojti marrëveshjen duke thënë se Shqipëria, e cila po kërkon të bashkohet me BE-në, “po tregon solidaritet mbi problemin demografik me të cilin përballet Europa sot”.
Organizatat joqeveritare e ka dënuar marrëveshjen si “çhumanizuese”, ndërsa Amnesty International e përshkroi atë si “të paligjshme dhe të pazbatueshme”.
LEXONI GJITHASHTU:
- Meloni viziton nesër Shqipërinë, inspektim në kampin e emigrantëve në Shëngjin
- “Marrëveshja po ecën përpara”- Meloni për RAI 3: Rama u sulmua padrejtësisht
