Kryetari i Partisë së Lirisë Ilir Meta tha sot se shumë shpejt partia që ai drejton do të nisë protestat.
Në një konferencë për mediat të hënën, Meta u shpreh se ai do të jetë shpesh përpara parlamentit me qytetarët për të protestuar edhe pse nuk është deputet i kuvendit.
“Nuk do të habitemi që si kryetar i PL të jem vazhdimisht përpara parlamentit së bashku me ata qytetarë që ndjehen të pa përfaqësuar nga një parlament me vota te vjedhura. Si rezultat i kësaj forca më e dëmtuar ishte ish LSI, që në vend që të kishte 12 ka vetëm 4 mandate. Edhe kësaj force politike qëndron në sheshe, tek njerëzit. Aty do ta shprehë me forcën më të madhe, jo vetëm me deputetët por edhe me zërin e qytetarëve”, tha Meta.
Meta u shpreh se data e protestës së parë do të bëhet e ditur brenda 24 orëve.
LEXONI GJITHASHTU:
- Meta për padinë ndaj ‘Dosjeve’: SPAK ia ka kaluar për kompetencë Prokurorisë
- ‘Ka dhënë urdhër që duhet ndëshkuar Meta’, Bushati: Ramën e pret vjeshtë e vështirë
