“Xhamajka nuk e ka njohur Kosovën si shtet të pavarur”. Ky është reagimi i ministrisë së Jashtme të Xhamajkës në përgjigje të interesimit të Euronews Albania pas debatit në Prishtine për këtë çështje.

“Ministria e Punëve të Jashtme e Xhamajkës është vënë në dijeni të raportimeve për njohjen e Kosovës, por se ende nuk ka asnjë vendim lidhur me këtë. Çështjet si kjo janë në rishikim të vazhdueshëm nga Qeveria. Megjithatë, në këtë moment, nuk ka marrë asnjë vendim lidhur me këtë çështje. Shprehim keqardhje për keqkuptimin që ka ndodhur në lidhje me pozicionin e Xhamajkës për këtë çështje”, thuhet në reagim.

Pak ditë më parë, Presidenti i Kosovës Hashim Thaçi, dha lajmin se Xhamajka ka njohur pavarësinë e Kosovës.

Pas përgënjeshtrimit nga ministrja e Jashtme Kamina Smith, kreu i shtetit kosovar bëri përgjegjëse për këtë informacion të pavërtetë ambasadoren e Kosovës në Shtetet e Bashkuara të Amerikës, Vlora Çitaku.