Prioriteti i qeverisë do të ngelet goditja e pasurive të vëna nga krimi.
Ishte kjo përgjigja e Ministres së Financave, Anila Denaj, pas publikimit të raportit nga “Moneyval”, në të cilën thuhej se vendi yne është sërish pjesë e listës gri të pastrimit të parave.
“Deri më tani janë 65 milionë euro të sekuestruara nga pasuritë e bllokuara”, tha ministrja denaj.
“Operacioni “Forca e Ligjit” është shembull i qeverisë se puna ka filluar. Ky angazhim do të jetë më i lartë përgjatë 2020-ës.
“Kemi në fokus disa prioritete; Shqipëria do të punojë për të vazhduar planin e veprimit të kryerjes e një analize shtesë për rreziqet nga ‘pastrimi i parave’; Përmirësimin e trajtimit në kohë të kërkesave juridike; Krijimin e mekanizmave dhe zbulimin e aktiviteteve të tilla kriminale”, pohoi ministrja e financave në konferencën për shtyp.
Denaj u shpreh duhet të rritet dënimi për akuzën pastrim parash.
Megjithatë ministrja e financave tha se Shqipëria ka shënuar progres në këtë aspekt.
Gjithashtu Denaj u shpreh se në fokus të qeverisë janë dhe dy fusha që lidhen me sistemin e drejtësisë, prokuroria dhe gjykata.
