English

Mjeku italian: Qindra vdekje kanë ndodhur për shkak të mungesës së kujdesit mjekësor parësor

KOMENTE

SHPERNDAJE
ARTIKULLIN

Text sizeAa Aa

Mjeku Riccardo Munda i cili aktualisht punon si doktor në Selvino dhe Nembro, dy qyteza pranë Bergamos, tregon se shumica e pacientëve më vulnerabël duhet të ekzaminohen në shtëpi, përndryshe nuk mund të shpëtohen, pasi shumica e këtyre pacientëve mund të vuajnë nga demenca senile dhe ata nuk janë në gjendje të raportojnë simptomat e tyre. Për këtë arsye ai sugjeron që mjekët duhet të shkojnë në shtëpitë e tyre për të zbuluar simptomat e mundshme të sëmundjes .

- Advertisement -

“Sipas mendimit tim të përulur, qindra vdekje që kemi parë janë për shkak të mungesës së kujdesit mjekësor parësor. Ajo që ndodhi është që mjekët filluan të vizitojnë këta pacientë pa masat e duhura mbrojtëse dhe u infektuan. Disa mjekë u vendosën në karantinë dhe vazhduan të punonin, mbase duke dhënë vetëm këshilla përmes telefonit sepse nuk kishte mjekë të disponueshëm për t’i zëvendësuar. Mjekët e tjerë u sëmurën, disa u tmerruan duke ditur që kolegët e tyre u sëmurën dhe vdiqën. Kështu ata nuk kryenin vizita sepse nuk kishin pajisjet e nevojshme mbrojtëse, pajisje që na janë siguruar nga agjencitë lokale të shëndetësisë në një mënyrë absolutisht të pamjaftueshme”, tregon ai.

Mjeku italian tregon se një pjesë e pacientëve i kanë marrë shërbimet mjekësore atëherë kur ishte tepër vonë për ta.

“Njerëzit mbetën në shtëpi pa ndihmë dhe u vizituan nga një mjek vetëm kur gjendja e tyre shëndetësore u përkeqësua në një masë të tillë që ata kërkuan shtrimin në spital të menjëhershëm dhe kujdes intensiv. Sipas mendimit tim, shumica e këtyre njerëzve as nuk arrinin të shihnin mjekun kur kushtet e tyre u përkeqësuan sepse nuk ka mjekë në dispozicion. Nuk është vetëm problemi i mungesës së shtretërve në spitale, por edhe i punonjësve tw shëndetësisw, pra në thelb ka mungesë të mjekëve”, tregon Munda.

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?