Edhe pse rruga Kardhiq-Delvinë u inagurua disa ditë më parë, sërish janë konstatuar shkelje nga ana e drejtuesve të automjeteve.

Policia e Shtetit bën me dije se nëpërmjet monitorimit me makinat inteligjente, dronët dhe radarët automatikë, janë pezulluar 20 leje drejtimi në 48 orët e fundit, për shpejtësi mbi 30 km/h mbi normën e lejuar.

Ndërsa, 95 masa administrative janë vendosur për qarkullim me shpejtësi, por pa sanksionin e pezullimit të lejes së drejtimit.

Po ashtu, 67 drejtues mjetesh janë ndëshkuar masa administrative, për parakalime të gabuara, teksa 54 masa janë vendosur për përdorim të celularit gjatë drejtimit të automjetit dhe 50 masa për mospërdorim të rripit të sigurimit.

LEXONI GJITHASHTU

• Droni që mund të gjobisë shoferët deri në 8 mijë lekë
• ‘Dron edukues’ nëpër Tiranë për shoferët që shkelin rregullat