Një koleksion i plotë i monedhave të arit kelt, me vlerë disa milionë euro dhe të paçmueshme për sa i përket rëndësisë kulturore, është vjedhur nga një muze në qytetin gjerman të Manning.

Sipas një raporti nga policia bavareze, hajdutët hynë në Muzeun Keltik dhe Romak të martën në mbrëmje dhe morën gjithsej 483 monedha ari që datojnë dy mijë vjet më parë, të cilat mbahen në muze që nga viti 2006.

“Humbja e thesarit kelt është një fatkeqësi, sepse monedhat e arit janë dëshmitarë të pazëvendësueshëm të historisë sonë”, tha ministri bavarez i Shkencës dhe Artit, Markus Blume, raporton Guardian.

Sipas policisë gjermane, hajdutët e monedhave të arit kelt ka të ngjarë ta kenë të vështirë t’i shesin ato, prandaj ka dyshime të arsyeshme se do të përdorin taktika të tjera.

“Ne kemi frikë se monedhat keltike do të shkrihen dhe do të shiten me çmimin e arit”, i tha gazetës një përfaqësues i paidentifikuar i policisë kriminale bavareze.

Gjithsej 483 monedha kelte u zbuluan 23 vjet më parë nga një grup arkeologësh, në zonën ku ndodhej vendbanimi kelt i Opidum Manhing dhe kërkimet janë ende në vazhdim.

LEXONI GJITHASHTU:

• Thesari i Krimesë i kthehet Ukrainës, Kievi përshëndet vendimin e gjykatës holandeze
• Si “avulluan” mbi dy milionë euro nga thesari i Kosovës, Euronews Albania zbardh detaje të reja