Një oficere e Policisë Gjyqësore, pranë Prokurorisë së Elbasanit, u arrestua me urdhër të SPAK, si e akuzuar për veprën penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”.

Sipas njoftimit të SPAK, në një emision investiagtiv janë transmetuar pamjet filmike, ku oficerja me inicialet A.D, i ka kërkuar dhe i ka marrë shtetases me iniciale H.Ll shumën prej 1 mijë eurosh, në mënyrë që të pushohej çështja e djalit të kësaj të fundit për veprën penale “Ndërtimi i paligjshëm”.

Për këtë Prokuorira e Posaçme ka shpallur akuzën “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” kundrejt oficeres.

Sakaq hetimet për këtë procedim penal vazhdojnë me administrimin e provave të tjera, të cilat do të shërbejnë  për sqarimin e plotë të rrethanave të kësaj ngjarjeje.

LEXONI GJITHASHTU:

• Vrasja e 2-fishtë në Roskovec, Prokuroria zbardh akuzat për 4 të arrestuarit
• Bardhi nxori përgjimet, avokatët e Gjokës: Të veprojë SPAK, janë sekret hetimor