Është ndarë nga jeta mëngjesin e kësaj të enjteje, Odisea Çipa, trajneri i ekipit të futbollit Butrinti.
Mësohet se Çipa ka ndërruar jetë në moshën 58-vjeçare si pasojë e një arresti kardiak.
58-vjeçari mori drejtimin e Butrintit gjatë muajit gusht të vitit 2022. Ndërkohë që ai ka qenë dhe vetë një futbollist i njohur i këtij ekipi.
Skuadra asrandiote aktualisht nodhet në kategorinë e dytë të futbollit në Shqipëri.
Në lidhje me ndarjen e tij nga jeta ka reaguar dhe kryetari i Bashkisë së Sarandës, Ardian Gurma.
“I trishtuar për ndarjen e papritur nga jeta të Odise Çipës.
Do iu mungojë familjes, miqve, shokëve, komunitetit të futbollit e skuadrës së Butrintit, që aq shumë e deshi dhe kontribuoi me pasion e dashuri! I paharruar kujtimi i tij”, shkruan kryebashkiaku.
LEXONI GJITHASHTU:
- EMRI/ “Bosi” i prostitucionit në Milano, arrestohet në Rinas 38-vjeçari nga Vlora
- “Kafshët e ndiejnë tërmetin”- Guri: Ndaj duhen mbajtur qen, peshq ose minj në shtëpi
- “Po pres vajzën 23 vjeçe, se di a është gjallë”, rrëfimi tronditës i babait turk