Britania e Madhe gjatë të dielës mbajti dy minuta heshtje për të kujtuar ushtarët e rënë gjatë luftës.
Për herë të parë Mbreti Charles III drejtoi shërbimin në Ditën e Përkujtimit
Charles, anëtarë të tjerë mbretërorë dhe politikanë të lartë vendosën kurora me lule në memorialin kombëtar në qendër të Londrës, për të nderuar sakrificat e bëra nga ushtarakët.
Big Ben, i cili prej pesë vitesh i ishte nënshtruar ristrukturimit , u dëgjua 11 herë për të shënuar fillimin e heshtjes.
Rreth 10.000 veteranë, përfshirë veteranë 100-vjeçarë të Luftës së Dytë Botërore dhe ata që shërbyen në konfliktet e fundit, përfshirë Afganistanin, morën pjesë në marshimin solemn dhe mijëra njerëz dolën në rrugë për të parë shërbimin.
Zyrtarët thanë se shërbimi i këtij viti u kushtohej ushtarëve të rënë në luftërat e kaluara dhe ukrainasve që luftojnë kundër pushtimit rus.
LEXONI GJITHASHTU:
- ‘I zhgënjyer nga lajmet e mediave britanike’, ambasadori: Shqipëria një vend i bukur
- I riu britanik sulmon me vezë mbretin Charles III dhe bashkëshorten e tij
