Ambasadorja e SHBA Yuri Kim u takua të enjten me kreun e Komisionit Qendror të Zgjedhjeve Ilirjan Celibashi.
Në fokus të takimit të zbardhur nga ambasada e SHBA ishte kërcënimi i financimeve të fshehta politike ruse dhe rrezikun që kjo paraqet për demokracinë.
“Kërcënimi i financimit të fshehtë politik rus nënvizon rëndësinë që ka rritja e transparencës në financimin e fushatave, regjistrimi i enteve të huaja, si dhe masat për të identifikuar dhe parandaluar pastrimin e parave. Shtetet e Bashkuara do të vazhdojnë të punojnë me partnerë në të gjitha institucionet demokratike të Shqipërisë për mbrojtjen ndaj këtyre kërcënimeve”, shkruan ambasada në një postim në faqen e vet në Facebook.
Takimi vjen vetëm një ditë pas rikthimit në vëmendje të çështjes së shumëpërfolur të lobimit rus në Partinë Demokratike, për të cilën lidershipi i sotëm i PD akuzon ish-kreun Lulzim Basha.
LEXONI GJITHASHTU: