Ministrja e Shëndetësisë Albana Koçiu tha se qeveria ka miratuar disa ndryshime sa i takon urdhrit të mjekut. Ajo tha se mjekët e sektorit publik duhet të tregojnë nëse punojnë edhe në privat.
Gjithashtu ajo tha se do të krijohet një regjistër elektronik publik që do të garantojë më shumë transparencë për të gjithë profesionistët e shëndetësisë.
Një tjetër ndryshim në Urdhrin e Mjekut do të jetë edhe vendosja e një “travani” për orët e punës, si dhe drejtuesit institucioneve publike shëndetësore nuk mund të drejtojnë klinika private.
“Ndryshimet që kemi propozuar dhe që u miraton sot në vendimin më të fundit të qeverisë, sa i takon urdhrit të mjekut, konsistojnë në bërjen publike të informacionit për të gjithë profesionistët e shëndetësisë që punojnë në struktura publike, sa i takon angazhimeve të tyre dhe private.
Ndryshim tjetër i rëndësishëm është edhe miratimi i një regjistri elektronik publik i cili do të garantojë edhe më shumë transparencë për këdo profesionist të shëndetësisë që punon në strukturat publike shëndetësore, lidhur me punësimin e tij dhe privatisht. Nga ana tjetër kemi vendosur edhe një tavan të orëve të punës, që një mjek të mund të punojë edhe privatisht. Gjithashtu kemi caktuar edhe masat disiplinore”,-tha ministrja.
LEXONI GJITHASHTU:
- Ushqimet e kontaminuara/ Reagon AKU: Kemi marrë masa, produktet janë bllokuar
- Ministri Arbjan Mazniku paraqitet në SPAK
