E diela e fundit e marsit ka shënuar edhe ndryshimin e orës me 60 minuta para. Kjo do të thotë një orë më pak gjumë në mëngjes dhe një orë më tepër aktivitet gjatë ditës.

Ky ndryshim është bërë për t’u mundësuar të gjithë njerëzve të shijojnë më shumë ditën dhe rrezet e diellit.

Praktika e ndërrimit të orëve u prezantua për herë të parë në Luftën e Parë Botërore dhe u rivendos sërish në praktikë gjatë krizës së naftës në vitet 1970, duke synuar kursimin e energjisë duke shfrytëzuar dritën e ditës në verë. Ndryshimi i orës në Europë u vendos si ligj në vitin 1981 dhe është rinovuar çdo katër vjet.

Në mars të vitit 2019, Parlamenti Evropian votoi me 410 vota për përfundimin e kësaj praktike, por duket se edhe këtë vit nuk ndryshoi tradita.

LEXONI GJITHASHTU:

• Zbulohet një laborator kriptomonedhash në Malësi të Madhe
• Profesioniste në qitje, pediatrja nga Vlora që trajnon të rinjtë