Disa mijëra qytetarë u mblodhën në bulevardin “Dëshmorët e Kombit” në Tiranë të hënën, duke iu përgjigjur thirrjes së presidentit Ilir Meta për t’i dalë në mbrojtje Kushtetutës, të cilën presidenti thotë se qeveria e ka shkelur në mënyrë mafioze në një seri veprimesh joligjore.

Presidenti, Ilir Meta në fjalën e mbajtur para të pranishmëve në tubim, tha se kur institucione bien, ngrohet populli. Z. Meta akuzoi mazhorancën qeverisëse, oligarkët por dhe ndërkombëtarët, se po rëndojnë mbi taksat e qytetarëve si dhe po shkatërrojnë sovranitetin e Shqipërisë.

Meta firmosi para njerëzve të shumtë të mbledhur në tubimin e thirrur prej tij, dekretin kundër ligjit që i hiqte atij kompetencën e betimit të anëtarit të Gjykatës Kushtetuese, por paralajmëroi se shumë shpejt do të firmoste edhe dekretin për shpërndarjen e parlamentit.

Tubimit të organizuar përballë presidencës iu bashkuan edhe partitë opozitare jashtëparlamentare.

Këto janë disa nga çastet kulmore të tubimit kapur nga fotoreporterja Loreta Cuka për Euronews Albania.