Gazetari Eraldo Harlicaj thotë se në kampet e emigrantëve në Dunkirk të Francës, të cilët donin të kalonin me gomonë në Britaninë e Madhe, kishte përplasje me armë mes kurdëve dhe arabëve, të cilët kontrollonin çadrat.
Në një intervistë për Euronews Albania, Harlicaj, i cili vendosi të bëjë këtë udhëtim në rolin e gazetarit, nënvizoi se një shqiptar, hapi një gropë brenda në çadrë për t’iu shpëtuar plumbave.
“Një pjesë e tyre nuk e dinin se sa e vështirë ishte rruga edhe kampi. Në kamp atje ka dyluftime me armë, nga kurdët, nga arabët, për territore. Çdo natë kishte dyluftime me armë, ishte terrorizuese. Mbaj mend një djalë që e kisha në çadër afër, mori një lopatë dhe hapi një gropë.
Brenda në çadër hapi një gropë dhe flinte në gropë, sepse kishte grikë nga plumbat që kalonin. Kishte çadra që ishin shpuar nga plumbat. Ka pasur të plagosur, rreth 9 të plagosur, por jo shqiptarë. Maksimalisht kishin familje që rrinin dy javë, në varësi të motit.”, theksoi ai.
LEXONI GJITHASHTU
- ‘4000 paund për në Britani’, gazetari që udhëtoi me gomone: Sa përfitonin shqiptarët
- Qëndrimet e Berishës për emigrantët në ‘Daily Mail’, Rama: Turp!
- BBC: Emigrantët shqiptarë po rekrutohen nga bandat në Britani
