2 shqiptarë janë ekstraduar nga Greqia drejt Shqipërisë, që ishin shpallur në kërkim ndërkombëtar.
- Advertisement -
Policia bën me dije se janë ekstraduar Qani Shehu, 44 vjeç dhe Albano Zepaj, 39 vjeç.
Qani Shehu ishte shpallur në kërkim ndërkombëtar, pasi Gjykata e e Tiranës e ka dënuar me 8 vjet burgim për plagosje me armë zjarri.
Ndërsa, Albano Zepaj ishte shpallur në kërkim ndërkombëtar pasi Kolegji Penal i Gjykatës së Lartë, e ka dënuar me 5 vjet e 4 muaj burgim, për veprat penale “Plagosja e rëndë me dashje”.
Personat e ekstraduar iu dorëzuan Drejtorisë së Përgjithshme të Burgjeve.
