Duke nisur nga data 3 mars do të ndalohet çdo rekrutim i punonjësve të rinj në administratë.
Ministrja e Shtetit për Administratën Publike dhe Antikorrupsionin, Adea Pinderi tha në një deklaratë për mediat nga Kryeministria se, Këshilli i Ministrave kishte miratuar vendimin për marrjen e masave dhe monitorimin e veprimtarisë apo përdorimit të burimeve njerëzore të administratës shtetërore gjatë zgjedhjeve.
Në këtë kuadër nga data 3 mars nuk do të lejohet më asnjë punësim në administratë përveç rasteve emergjente në sektorë kyç si shëndetësia.
“Nga data 3 mars ndalohet çdo rekrutim në administratë, që të punësojnë punonjës të rinj, nuk do të zhvillohet asnjë procedurë e re punësimi në ministri dhe shoqëri aksionere ku shteti është pronar. Do ketë vetëm një përjashtim kur bëhet fjalë për nevoja emergjente në fusha si infrastruktura kyçe apo mjekësia”, tha ministrja.
LEXONI GJITHASHTU:
- Zgjedhjet e 11 majit, ku do bëhet votimi elektronik? Zbulohen 3 skenarët e KQZ
- Pedagogu: Fushata e Trump, rritje të madhe ndaj komunitetit shqiptar në Miçigan
