Ditën e sotme Konferenca e Kryetarëve do të nisë zyrtarisht procesin për zgjedhjen e presidentit të ri. Konferenca e krerëve të grupeve parlamentare do mblidhet në orën 12:30.
Përfaqësuesit e mazhorancës dhe opozitës do të përcaktojnë datën e parë të votimit për presidentin e ri.
Procesi duhet të kishte nisur më 4 maj, por u shty pasi kreu i grupit parlamentar të PD, Enkelejd Alibeaj kërkoi më shumë kohë për procedurat.
Brenda Partisë Demokratike ka pasur debate në lidhje me pjesëmarrjen apo jo në procesin e zgjedhjes së presidentit të ri.
Komisioni i Rithemelimit miratoi një rezolutë më 6 maj, sipas së cilës kreu i ri i shtetit nuk duhet të zgjidhet bashkë me votat e Partisë Socialiste.
Nga ana tjetër, Alibeaj ka publikuar një dokument ku janë vendosur disa kritere të cilat duhet t’i ketë kandidati për president.
LEXONI GJITHASHTU