Profesori i Kriminalistikës Ervin Karamuço tha në emisionin Now në Euronews Albania se kërcënimet ndaj prokurorëve të SPAK nga krimi i organizuar kanë qenë të shumta dhe kjo është arsyeja pse masat e sigurisë ndaj tyre janë shtuar.
Ai tregoi rastin kur një agjent i BKH u aksidentua me motor dhe 40 minuta u la i plagosur në vendngjarje pasi u bë një hetim i thelluar nëse vërtetë ishte aksident apo tentativë vrasjeje.
“Ka pasur dhe ka kërcënime ndaj prokurorëve të SPAK nga krimi i organizuar, 10 mln euro u kapën vetëm bitcoin vitin e shkuar. Është ngritur edhe gatishmëria e gardës që i ruan, po investohet për masa dhe mjete të tjera të godinës dhe familjarëve të tyre. Dhe kur ndodhi një ngjarje kur një hetues i BKH aksidentohet me motor dhe 40 minua ndenji në rrugë pa ndjenja dhe u bë një hetim i thelluar nëse ishte vërtetë aksident apo diçka tjetër, se dihet që alerti është shumë i lartë në këto raste. Ka edhe inskenime që duan të duken si aksidente dhe merren në konsideratë nga institucionet hetimore”, tha ai.
LEXONI GJITHASHTU:
- Hoxha: Prokurorët e SPAK janë përzënë nga Kryeministria, celularin e Ramës e kanë
- Dumani jep opsionin e tij për statusin e prokurorëve të SPAK pas mandatit 9-vjeçar
