Kur ka mbetur një muaj nga nisja, emocionet për Kupën e Botës kanë nisur të akumulohen. Kampionati do të jetë një event unik në historinë e futbollit në shumë aspekte.

Pavarësisht kësaj, ekzistojnë shqetësime lidhur me mbushjen e stadiumeve të mëdha nisur nga shitja e paktë e biletave për takimin hapës. Një përfaqësues i tifozëve belgë deklaroi se grupit të tij i ishin ofruar bileta falas.

“Ishte Komiteti Organizativ i Kupës së Botës që kontaktoi disa tifozë duke iu ofruar t’u paguante fluturimin, hotelin dhe biletën për ndeshjen e parë. Ky është rasti i Belgjikës, por besoj edhe i vendeve të tjera”, tha Pierre Cornez, zëdhënës i Sindikatës së Futbollit Belg.

Turneu është përfshirë nga kontradiktat që kur FIFA shpalli Katarin si vendin fitues. Gjithashtu ka pasur zëra për shfrytëzim të punëtorëve në punë dhe për jetesën e tyre në kushte të rënda.

Organizatorët deklarojnë se kanë marrë masa për të adresuar këto probleme, por protestat vazhdojnë. Në Francë, për shembull, disa qytete nuk do t’i transmetojnë ndeshjet në sheshe.

LEXONI GJITHASHTU

• Reja ‘dëgjon’ kritikët, fton lojtarët e Superiores për ndeshjen me Arabinë Saudite

• Kampione bote në kategorinë “Wallnes, flet për Euronews Albania Getta Beqa
• Ekskluzive|”Krenar që jam shqiptar”, kampioni Gega tregon trillimin e mediave greke