Një rrugë në Nju Jork, ka marrë emrin e heroit kombëtar të Shqipërisë, Gjergj Kastrioti Skënderbeu.
Shqiptarët atje kanë organizuar një tubim me muzikë dhe flamuj shqiptarë për nder të kësaj ngjarje të dielën, ndërsa pamjet janë publikuar në mediat online.
Kësaj dite historike për komunitetin shqiptaro-amerikan, iu bashkua edhe kryetari i Bashkisë së Nju Jorkut, Eric Adams.
Përmes një postimi në Twitter, Adams tha se ishte nder të merrte pjesë në emërtimin e rrugës “Skënderbeu”.
We’re home to the largest Albanian community in America. They’re small business owners, frontline workers and working families who make our city vibrant.
It was an honor to join them today in Little Albania to celebrate an Albanian national hero, Gjergj Kastrioti Skenderbeu. pic.twitter.com/0i2UrR8ym9
— Mayor Eric Adams (@NYCMayor) May 15, 2022
Në ceremoni mori pjesë edhe kongresmeni demokrat Adriano Espaillat, i cili falënderoi për kontributin e tij ish-këshilltarin e Shtetit të Nju Jorkut, Mark Gjonaj.
Kjo është rruga e tretë që mban emrin e personaliteteve të shquara shqiptare.
Krahas “Gjergj Kastrioti Skenderbeu”, dy rrugët e tjera janë emërtuar “Nënë Tereza” dhe “Fan Noli”.
LEXONI GJITHASHTU: