Kristiano Ronaldo ka shprehur qartë dëshirën e tij për t’u larguar nga Mançester Junajtid në merkaton e transferimeve gjatë verës.
Të shumta kanë qenë skuadrat të cilat lidheshin me një transferim të mundshëm të 37-vjeçarit, prej tyre edhe Atletiko Madrid.
Vetë presidenti i klubit, Enrike Cerezo shuajti zërat për kalimin e Ronaldos te skuadra spanjolle, duke përgënjeshtruar lajmet që qarkullonin në media.
Por duket se tifozët nuk janë mjaftuar me deklaratën e presidentit. Grupimet e organizuara të tifozëve të Atletikos kanë dalë me një komunikatë zyrtare ku nuk kursehen ndaj Ronaldos.
Tifozët e kanë bërë të qartë se nuk duan që të kenë portugezin në radhët e klubit të zemrës, pasi nuk e shohin si një lojtar të denjë për të veshur atë fanelë.
“Manifestojmë kundërshtinë tonë absolute ndaj një afrimi të mundshëm te Atletiko Madrid të Cristiano Ronaldos, një lojtar që përfaqëson antitezën e vlerave që qëndrojnë në themelet e klubit tonë: shpirtin e sakrificës, bujarinë, thjeshtësinë dhe bashkimin. Cristiano nuk mund të fitonte kurrë as dashurinë dhe as mirënjohjen tonë. Ndaj i kërkojmë klubit që të mos e blejë në asnjë mënyrë”, theksohej në komunikatën e tifozëve të Atletikos.
📌Comunicado oficial. pic.twitter.com/Eezk0h55ax
— Unión Internacional de peñas Atletico de Madrid (@unionatm) July 27, 2022
LEXONI GJITHASHTU
- ‘Do e integroj në modulin tim’, Ten Hag shuan zërat për largimin e Ronaldos
- Destinacionet e mundshme për Ronaldon në rast largimi nga Mançester Junajtid
