Presidenti i Turqisë, Tajip Erdogan dhe ai i Rusisë, Vladimir Putin, kanë diskutuar të shtunën përmes një telefonate rreth ofensivës ushtarake të Turqisë në Siri.
- Advertisement -
Siç njofton presidenca turke, dy presidentët konfirmuan angazhimin e tyre për marrëveshjen që ata arritën gjatë takimit në Detin e Zi, i cili hapi rrugën për patrullime të përbashkëta ushtarake ruso-turke brenda Sirisë.
Përveç kësaj, presidenca lajmëroi se Erdogan dhe Putin diskutuan çështje që kanë të bëjnë me tregtinë bilaterale, por nuk dhanë detaje të mëtejshme.
Presidenti turk do të zhvillojë bisedime me Presidentin e SHBA Donald Trump të mërkurën në Uashington.
