Ministria e Shëndetësisë, Ogerta Manastirliu ka bërë të ditur se ka rezultuar negativ testi i dytë i të infektuarit që ishte kontakti i afërt i pacientit 0. Znj. Manastirliu deklaroi se brenda 24 orëve të ardhshme do të kemi përgjigjen përfundimtare të testit për të konfirmuar përfundimisht mungesën e pranisë së COVID-19 në organizmin e tij. Ndërkohë, negativë kanë rezultuar dhe testet për 27 mjekët e Spitalit të Fierit të cilët dyshoheshin se ishin prekur nga coronavirusi.
“Në këto orë kemi pasur lajme shpresëdhënëse. 27 mjekët e Spitalit të Fierit, të dyshuar se ishin infektuar me COVID-19 kanë rezultuar të gjithë negativë. Një tjetër lajm shpresëdhënës në këto orë me zhvillime dinamike, ka qenë testi i radhës për kontaktin e ngushtë për pacientin zero. Pas 24 orëve të ardhshme, pacientit do t’i bëhet dhe testi për të konfirmuar përfundimisht mungesën e COVID-19 në organizmin e tij”, deklaroi ministrja e Shëndetësisë.
Znj. Manastirliu tha se pavarësisht këtij lajmi të mirë, po merren masa për shtimin e kapaciteteve respiratore në spitale për shtrimin e të prekurve nga COVID-19.
Ministrja e Shëndetësisë deklaroi gjatë daljes së saj për mediat se shumë shpejt testi për COVID-19 shumë shpejt do të kryhet dhe pranë QSUT-së përveç ISHP-së që ka kryer deri tani testimin e të gjitha rasteve të dyshuara.
Ndërkohë, duke filluar nga dita e premte, të gjitha urgjencat kirurgjikale do të kryhen tek Spitali Universitar i Traumës. Kurse, për pensionistët e vetmuar, Ministria e Shëndetësisë do të mundësojë shpërndarjen e medikamenteve me rimbursim në banesën e tyre.
Pas viktimës së parë nga COVID-19, e cila ishte një 73-vjecare nga Durrësi, sot ka ndërruar jetë një 66-vjecar nga Lushnja. Ndërkohë numri i të infektuarve sot ka shkuar në 59 persona.
Lexoni gjithashtu:
Shtohen kufizimet, Rama: Mund të lëvizin vetëm në këto dy orare, ndryshe gjobë
Humb jetën në Spitalin Infektiv 66-vjeçari i infektuar nga COVID-19
Ministria e Shëndetësisë: Shkon në 59 numri i të prekurve nga COVID-19
OBSH, si të lahen duart që të shmanget coronavirusi COVID-19
