“Mendoj se opozita më e mirë janë shqiptarët e ndershëm. Ata kanë nevojë për t’u bashkuar dhe për të çuar përpara vendin”.
Kështu u shpreh presidenti Ilir Meta në në një deklaratë për mediat teksa u pyet nëse do ketë një opozitë të fortë pas zgjedhjes se Berishës në krye të PD-së dhe pas mbarimit të mandatit të tij si president.
Ndërkohë kreu i shtetit u shpreh besimplotë se parlamenti do të përmbushë përgjegjësitë e veta për zgjedhjen e një presidenti të ri.
“Besoj se parlamenti i di detyrimet dhe do ta përmbushë me përgjegjësi maksimale brenda kohës së duhur këtë detyrim kushtetues. Parlamenti do të bëjë punën e tij dhe unë do të vazhdoj të bëj punën time me shumë përkushtim deri më 24 korrik”, tha Meta.
Të martën u vendos në Konferencën e Kryetarëve që raundi i tretë për zgjedhjen e presidenti të ri të mbahet më 30 maj në orën 10:00.
Taulant Balla tha se Partia Socialiste nuk do të dorëzojë emrin e asnjë kandidati deri në përfundimin e raundit të tretë. Ndërkohë, shtoi se deri në datën 30 PS do të priste kandidatët e opozitës.
LEXONI GJITHASHTU: