Presidentja e Kosovës, Vjosa Osmani e ka falënderuar presidentin e Shqipërisë, Ilir Meta, që siç u shpreh, ka qenë zëri i Kosovës aty ku shteti nuk ishte i përfaqësuar.
Këtu Osmani ka përmendur çështjen e ndryshimit të kufijve si ide të rrezikshme, çka sipas saj, kanë arritur që bashkërisht t’i japin fund.
Osmani ka thënë se objektivi i qartë i Kosovës mbetet anëtarësimi në strukturat euroatlantike në Bashkimin Evropian dhe në NATO. Sipas saj, fakti që Shqipëria është pjesë e NATO-s ka krijuar siguri më të madhe për rajonin dhe se kjo siguri do të rritet edhe tej kur Kosova të bëhet pjesë e kësaj aleance.
“Zëri ynë aty ku ne nuk jemi përfaqësuar, e në veçanti zë i fuqishëm kundër tendencave për ndarje të Kosovës e për ndryshim kufijsh, ide e aventura këto të rrezikshme, pasojat e së cilave po ndihen edhe sot e kësaj dite, por të cilave bashkërisht u kemi dhënë fund. Gjatë udhëheqjes suaj kemi pasur një bashkëpunim dhe koordinim të shkëlqyeshëm gjë për të cilën dua të ju falënderoj. Kam besimin e plotë që në angazhimin e mëtejmë tuajin sërish do të vazhdoni të jeni zëri i Kosovës aty ku u jepet mundësia”, deklaroi presidentja e Kosovës.
LEXONI GJITHASHTU: