Ish-deputeti Asllan Dogjani, në një intervistë për Euroneës Albania u shpreh se Ministri i Brendshëm Bledi Çuçi përpara se të shkarkonte Gledis Nanon, fillimisht duhet të jepte dorëheqjen vetë.
Ai tha se Shqipëria është në situatën më të keqe përsa i përket rendit dhe sigurisë së qytetarëve.
Më tej ai shtoi se vetë emërimi i Nanos në krye të Drejtorisë së Përgjithshme të Shtetit ishte i gabuar.
“Pse në një kohë kaq të shkurtër merr një vendim kaq të shpejtë për të larguar. Po merren vendime që janë të lidhura me politikën. Mendoj se vetë emërimi i Nanos nuk ishte i duhur. Ka pasur sa të duash oficerë me karrierë. Në momentin që politika emëron drejtorin e Përgjithshëm të policisë për shkak të bindjeve partiake, nuk do të kemi një drejtor që do shërbejë për rendin e sigurisë e jo për ti shërbyer politikës,” – u shpreh Dogjani.
Sipas tij siguria e pronës dhe jetës së qytetarëve nuk ka qenë kurrë më keq.
“Një shkarkim i tillë për mua është me vend. Para se të shkarkonte Nanon, duhet të japë dorëheqjen ministri. Për mua duhet të ishte mbledhur Këshilli i sigurimit kombëtar. Shqipëria është tamam sikur të ishte luftë,” – tha ish-deputeti.
LEXONI GJITHASHTU: