Një tërmet me magnitudë të paktën 7.5 ballë të shkallës Rihter goditi Mindanaon në Filipinet jugore të shtunën vonë, duke shkaktuar paralajmërime për cunami në vend dhe Japoni, megjithëse agjencia amerikane tha se rreziku i valëve të mëdha kishte kaluar.

Qendra Amerikane e Paralajmërimit të Tsunamit, e cila fillimisht paralajmëroi për valë deri në 3 metra mbi nivelin normal të baticës së lartë, më vonë njoftoi se nuk kishte më kërcënim për cunami, raporton Guardian.

Evakuimet vazhdojnë në Filipine, ku nuk ka pasur raporte fillestare për dëme të konsiderueshme të valëve apo viktima, pavarësisht nga pasgoditjet e vazhdueshme.

Instituti Filipine i Vullkanologjisë dhe Sizmologjisë “Fivolks” pretendon se ekziston rreziku i një cunami.

Valë prej 40 centimetrash u panë në ishullin japonez Hachijojima, 290 kilometra në jug të Tokios, sipas Agjencisë Meteorologjike Japoneze, e cila fillimisht tha se ato mund të arrinin një metër lartësi.

Phivolks raportoi më parë se njerëzit që jetojnë pranë brigjeve të provincave orientale të Surigao del Sur dhe Davao duhet “të evakuohen menjëherë” ose “të lëvizin më tej në brendësi të tokës”.

“Anijet tashmë në det gjatë kësaj periudhe duhet të qëndrojnë në det në ujë të thellë deri në këshilla të mëtejshme”, tha ai.

LEXONI GJITHASHTU:

• Tërmeti i fortë “shkund” Filipinet, sa ishte magnituda
• Një tërmet me magnitudë 6.3 ballë godet Filipinet