English

Parandalohet krimi| I riu kapet me 2 mina me telekomandë, kallashnikov dhe municione

KOMENTE

SHPERNDAJE
ARTIKULLIN

Text sizeAa Aa

Një 28-vjeçar, Marian Gjoka, ka rënë në prangat e Policisë në Mirditë, pasi është kapur në flagrancë me dy mina me telekomandë, kallashnikov dhe minicion luftarak.

- Advertisement -

Lajmin e ka bërë të ditur Policia përmes një njoftimi, ku thuhet se ai u arrestua në hyrje të qytetit të Rrëshenit.

Po ashtu mësohet se minat me telekomandë 28-vjeçari i ka siguruar në Malin e Zi, ku ishte i punësuar.

Ndërkohë materialet proceduriale i kaluan Prokurorisë për veprime të mëtejshme hetimore.

Njoftimi i Policisë:

Parandalohen ngjarje të rënda kriminale që do të kryheshin me mina me telekomandë. Finalizohet nga Komisariati i Policisë Mirditë, operacioni policor i koduar “Safe City”. Sekuestrohen 2 mina me telekomandë, 1 kallashnikov dhe municion luftarak. Vihet në pranga 28-vjeçari Marian Gjoka që transportonte minat dhe mbante në banesë 1 armë zjarri kallashnikov dhe municion luftarak.

Shërbimet e Komisariatit të Policisë Mirditë, në vijim të megaoperacionit kombëtar “Sundimi i ligjit” dhe në bazë të informacioneve të siguruara nga inteligjenca policore, se një shtetas po transportonte mina me telekomandë që do të shërbenin për të kryer krime kundër personit, kanë organizuar dhe finalizuar operacionin policor të koduar “Safe City”.

Në hyrje të qytetit të Rrëshenit, shërbimet e Policisë kanë lokalizuar shtetasin e dyshuar i cili lëvizte me këmbë, në drejtim të qytetit, dhe kanë ndërhyrë menjëherë. Si rezultat u bë arrestimi në flagrancë i shtetasit M. Gj., 28 vjeç, banues në Qafë Unazë, njësia administrative Rubik, Mirditë, rezident në Malin e Zi.

Shërbimet e Policisë, gjatë kontrollit në çantën e shpinës së 28-vjeçarit, gjetën dhe sekuestruan në cilësinë e provës materiale, 2 mina me telekomandë, me lëndë plasëse C4. Në vijim të veprimeve procedurale, gjatë kontrollit të kryer në banesën e këtij shtetasi, është gjetur dhe sekuestruar në cilësinë e provës materiale 1 armë zjarri kallashnikov dhe një sasi municioni luftarak. Nga veprimet e para hetimore dyshohet se 2 minat me telekomandë, 28-vjeçari i ka siguruar në Malin e Zi, ku ishte i punësuar.

Në bashkëpunim me Prokurorinë, vijon puna për dokumentimin e plotë të rrethanave të rastit dhe për identifikimin e shtetasve të tjerë të përfshirë në këtë veprimtari kriminale. Materialet procedurale i kaluan Prokurorisë, për veprime të mëtejshme.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×